.
శ్రీకాళహస్తిలోని నందా మెడికల్స్ నిర్వాహకులు, వైసీపీ పట్టణ నాయకులు నంద (నరసింహులు) సోమవారం శ్రీకాళహస్తీశ్వర ఆలయ ఆధ్వర్యంలో నిర్వహించే గోశాలకు రూ.10,116 విరాళం అందజేశారు.
ఈ మేరకు శ్రీకాళహస్తీశ్వర ఆలయ ధర్మకర్తల మండలి అధ్యక్షులు అంజూరు తారక శ్రీనివాసులు, ఆలయ డిప్యూటీ ఈవో ఎన్ ఆర్ కృష్ణారెడ్డి, ధర్మకర్తల మండలి సభ్యులు బుల్లెట్ జయ శ్యామ్ లకు ఈ విరాళం అందించారు.
శ్రీకాళహస్తి నియోజకవర్గంలో పార్టీలకు అతీతంగా నందా మెడికల్స్ నిర్వాహకులు నంద చేస్తున్న నిస్వార్థ సేవా కార్యక్రమాలను పలువురు అభినందిస్తున్నారు.
ఇటీవలే శ్రీకాళహస్తీశ్వర ఆలయానికి నూతన టెక్నాలజీతో కూడిన వీల్ చైర్లను ఆయన విరాళంగా అందజేసిన సంగతి తెలిసిందే.
ఈ సందర్భంగా నంద మాట్లాడుతూ గోశాల అభివృద్ధికి తన వంతుగా విరాళం అందజేశానని.. రానున్న రోజుల్లో స్థానిక శాసనసభ్యులు బియ్యపు మధుసూదన్ రెడ్డి అడుగుజాడల్లో నడుస్తూ మరెన్నో సేవా కార్యక్రమాలు చేపడతామని తెలియజేశారు.
