.
భారీ వర్షాలు తిరుమలను కూడా అతలాకుతలం చేస్తున్నాయి. చిత్తూరు జిల్లా వ్యాప్తంగా భారీవర్షాల బీభత్సం కనిపిస్తుండగా.. తిరుమలకు కూడా ఆ తాకిడి బాగానే ఉంది.
కొండచరియలు విరిగిపడుతుండడంతో తిరుమల మొదటి ఘాట్ రోడ్డును ముందుగానే మూసివేశారు. అయితే గురువారం రాత్రి పూర్తిగా రెండు ఘాట్ రోడ్డులను మూసివేయాలని నిర్ణయించారు. సాధారణంగా రాత్రి 11 గంటల వరకు రెండో ఘాట్ రోడ్డులో వాహనాలు అనుమతిస్తుంటారు.
ఈ రోజు ప్రత్యేకించి.. 8 గంటలకే మూసివేయాలని నిర్ణయించారు.
తిరుమల, తిరుపతిలలో అధిక వర్షం కారణంగా రెండు ఘాట్ రోడ్ లను గురువారం అనగా 11-11-2021న రాత్రి 8 గంటల నుండి శుక్రవారం ఉదయం 12-11-2021 ఉదయం 6 గంటల వరకూ తాత్కాలికంగా మూసి వేస్తారు. భక్తులు గమనించాలని టీటీడీ తెలియజేసింది.
తిరుమల, తిరుపతి యావత్తూ వర్షబీభత్సంలో చిక్కుకుంది. కపిలతీర్థం జలపాతం పెద్దఎత్తున ఉప్పొంగుతోంది. చూపరులకు కనువిందు చేస్తోంది. తిరుపతిలో జనజీవితం స్తంభిస్తోంది. రోడ్లు మడుగులుగా మారుతున్నాయి.
Discussion about this post