.
టీటీడీ చేపట్టిన పారాయణ యజ్ఞంలో భాగంగా జూలై మూడవ తేదీన తిరుమల నాదనీరాజన వేదికపై శ్రీమద్ భాగవతం ప్రవచన కార్యక్రమం ప్రారంభం కానుంది.
కాగా, ఈ ఏడాది జనవరి 2న ప్రారంభమైన గరుడ పురాణ పారాయణం జూలై రెండో తేదీన ముగియనుంది.
నాదనీరాజన వేదికపై సాయంత్రం 6 నుండి 7 గంటల మధ్య శ్రీమద్ భాగవతం కార్యక్రమాన్ని ఎస్వీబీసీ ప్రత్యక్ష ప్రసారం చేయనుంది. తిరుపతిలోని జాతీయ సంస్కృత విశ్వవిద్యాలయం ఆచార్యులు కుప్పా విశ్వనాథ శర్మ ప్రవచనం చేస్తారు. ధర్మగిరి వేద విజ్ఞాన పీఠం శాస్త్ర పండితులు కెవి.శేషాచార్యులు, పివిఎస్ఎన్.మారుతి శ్లోక పారాయణం చేయనున్నారు.
Discussion about this post