మెగాస్టార్ చిరంజీవి అంటే.. తెలుగుసినిమా చరిత్రలో ఒక ఉద్గ్రంధం. 153 సినిమాల సుదీర్ఘమైన కెరీర్. కోట్ల మంది అభిమానుల ప్రేమ ఆయన సొంతం. తెలుగు సినిమా చరిత్రలోనే సంచలన సూపర్ హిట్లు అనేకం ఆయన ఖాతాలో ఉంటాయి.
కేవలం మెగా ఫ్యామిలీ హీరోలు మాత్రమే కాదు.. అనేక మంది యువ హీరోలు మెగాస్టార్ చిత్రాల్లోని పాటలను రీమేక్ చేస్తూ.. తమ తమ చిత్రాలకు బజ్ క్రియేట్ చేసుకుంటూ ఉంటారు. అలాంటిది మెగాస్టార్ కెరీర్లోని అత్యుత్తమ చిత్రాలను రీమేక్ చేస్తే ఎలా ఉంటుంది? ఈ ఆలోచన ఎవరికైనా రావడం చాలా సహజం. రీమేక్ చేస్తే బాగానే ఉంటుంది గానీ.. చిరంజీవి మార్క్ అంటూ.. ముద్ర పడిన చిత్రాలను రీమేక్ చేస్తే.. ఆయన స్థానాన్ని రీప్లేస్ చేసి మెప్పించగల నటులు ఎవరున్నారు? ఇది మిలియన్ డాలర్ ప్రశ్న.
అందుకే ఆహా ఓటీటీ కోసం చేస్తున్న సామ్ జామ్ కార్యక్రమంలో సమంత, మెగాస్టార్ ను ఈ ప్రశ్న అడిగింది. ఆయన హిట్ చిత్రాల్లో కొన్నింటిని ప్రస్తావించి.. అందులో ఇప్పటి హీరోలు ఎవరు చేస్తే బాగుంటుందనే ప్రశ్న సంధించింది. సామ్ అడిగిన ప్రతి చిత్రానికి నవతరం హీరోల్లో ఒకరి పేరును చిరు చెబుతూ వచ్చారు గానీ.. ఒక్క చిత్రం విషయంలో మాత్రం.. తనకు రీప్లేస్ మెంట్ లేదని తేల్చేశారు. ఆ చిత్రం రీమేక్ చేయాలంటే.. మళ్లీ తను నటించాల్సిందే తప్ప.. మరొకరి వల్ల కాదని తెగేసి చెప్పేశారు.
ఇంతకీ సామ్ అడిగిన సినిమాలు.. వాటి రీమేక్ లకు మెగాస్టార్ ప్రతిపాదించిన హీరోలు ఎవరో చూద్దామా?.
ఠాగూర్ – పవన్ కల్యాణ్
ఇంద్ర – ప్రభాస్
ఛాలెంజ్ – అల్లు అర్జున్, విజయ్ దేవరకొండ
రౌడీ అల్లుడు – బన్నీ, రవితేజ
గ్యాంగ్ లీడర్ – చరణ్, తారక్
జగదేకవీరుడు అతిలోకసుందరి – మహేష్ బాబు, చెర్రీ, తారక్
విజేత – నాగచైతన్య
ఇంతకీ.. మెగాస్టార్ చిరంజీవి తనకు రీప్లేస్ మెంట్ లేనే లేదని, రీమేక్ వచ్చినా సరే తాను మాత్రమే అందులో నటించగలనని భావిస్తున్న సినిమా ఏంటో తెలుసా? అది స్వయంకృషి!
Also Read these stories :
నగ్మా అసలు పేరేంటో తెలుసా?
చిరు సినిమాగా చేయాలనుకున్న ఒక వీరుడి జయంతి
స్వయంకృషి ఒక మాస్టర్ పీస్
స్వయంకృషి సినిమా ఎంత గొప్పదో ప్రత్యేకంగా చెప్పాల్సిన అవసరం లేదు. కళాతపస్వి కె.విశ్వనాధ్, చిరంజీవి కాంబినేషన్లో రూపొందిన అత్యద్భుత చిత్రాల్లో అది కూడా ఒకటి. మెగాస్టార్ పాత్ర అందులో అద్భుతంగా ఉంటుంది. ఆయన పెర్ఫార్మెన్స్ సరేసరి. పీక్స్ కు వెళ్లిపోతుంది. స్టార్ ఇమేజి కాలిక్యులేషన్స్ పట్టించుకోకుండా చేసిన చిత్రం అది. ఇప్పుడు ఆ చిత్రం చేసినా తనకు వేరే రీప్లేస్ మెంట్ లేదని మెగాస్టార్ అంటున్నారంటే.. ఆ చిత్రంలో ఆయన ఎంత మమేకం అయి నటించారో.. ఆయన హృదయానికి అది ఎంతగా హత్తుకున్నదో మనకు అర్థం అవుతుంది.
Discussion about this post