పోలీసులంటే పవన్‌ ప్రేమ, గౌరవాలకు ఇదే ప్రతీక!

పవన్ కల్యాణ్ అంటే కోట్ల మంది అభిమానించే ఒక హీరో. అదే సమయంలో.. రాష్ట్ర గతిని మార్చేస్తారని ఎంతో మంది ఆశలు పెంచుకుంటున్న, నవతరం నిష్కళంక రాజకీయాలను ఆవిష్కరించాలని ప్రయత్నిస్తున్న ఒక రాజకీయనాయకుడు. అభిమానుల భాషలో  పవర్ స్టార్. ఆశావహుల మాటల్లో జనసేనాని.

తనకోసం సినిమా రంగాన్ని, తన ప్రజల కోసం, సమాజం కోసం రాజకీయాలను సమానంగా ఎంచి, అవే ఉచ్ఛ్వాస నిశ్వాసాలుగా జీవిస్తున్న వ్యక్తి. అలాంటి పవన్ కల్యాణ్ కు పోలీసుల పట్ల ఎలాంటి భావం ఉంటుంది? దానికి నిదర్శనమే ఈ చిత్రం!

సాధారణంగా రాజకీయ నాయకులకు పోలీసులంటే ఒక రకమైన చులకన భావం ఉంటుంది. రాజకీయాల్లోకి అడుగుపెట్టగానే.. తమకు కొమ్ములు మొలిచాయని అనుకునేవాళ్లు అనేకమంది ఉంటారు. వారు పోలీసులంటే ఏమాత్రం లెక్కలేకుండా చెలరేగుతూ ఉంటారు. ప్రతిపక్షాల్లో ఉన్నా సరే.. పోలీసులను వారి ఎదుటే బండబూతులు తిడుతూ.. వారిని ఇరుకున పెట్టడానికి అక్రమ కేసులు బనాయిస్తూ చెలరేగా దుర్మార్గులు కొందరుంటారు. అధికారం లోకి వచ్చిన తర్వాత.. అధికార మదంతో కన్నూ మిన్నూ గానకుండా పోలీసు అధికారులకు ఫోన్ చేసి.. పచ్చి బూతులు తిట్టేవాళ్లూ ఎంతో మంది ఉంటారు? అయితే ఇలాంటి విలువల్లేని దిగజారుడు రాజకీయ నాయకులు పుష్కలంగా ఉండే రోజుల్లో.. జనసేనాని పవన్ కల్యాణ్ కు పోలీసులంటే ఉండే అభిప్రాయం ఏంటి?

అందుకు మంచి ఉదాహరణ.. వకీల్ సాబ్ చిత్రం షూటింగ్ సందర్భంగా చోటుచేసుకున్న ఈ సన్నివేశం.

‘వకీల్ సాబ్’ చిత్రంలో ఓ సీన్ ఉంటుంది. ఆ సీన్లో ఉద్యమిస్తున్న విద్యార్థుల మీదికి పోలీసులు వస్తారు. జనం పోలీసుల మీద తిరగబడి కొడతారు. ఇరువర్గాల మధ్య ఘర్షణ జరుగుతుంది. ఈ సీన్ లో భాగంగా.. విద్యార్థులు- పోలీసుల చేతుల్లో ఉండే ‘షీల్డ్’ల మీద కొడతారు. ఆ షీల్డ్ మీద సహజంగానే POLICE అనే అక్షరాలు ఉంటాయి. అలా POLICE అనే అక్షరాల మీద విద్యార్థులు కొట్టడం అనేది పవన్ కల్యాణ్ కు నచ్చలేదు. ఎంత సినిమా కోసమే అయినప్పటికీ.. సమాజానికి రక్షగా ఉండే.. సమాజం మంచి వాతావరణంలో మనగలుగుతోందంటే… తమ వ్యక్తిగత జీవితాలను కూడా పణంగా పెట్టి.. సేవలందిస్తూ ఉండే పోలీసు యంత్రాగం పట్ల పవన్ కు ఎంత గౌరవం ఉన్నదంటే.. అలా POLICE అనే అక్షరాల మీద స్టూడెంట్స్ కొట్టడాన్ని కూడా ఆయన ఇష్టపడలేదు. పైగా ఆయన స్వయంగా పోలీసు అధికారి కొడుకే కావడం కూడా ఇక్కడ గమనార్హం.

ఇవి కూడా చదవండి
నాకు ఓటమి ఉండదు అంటూ గర్జించిన పవన్ కల్యాణ్
2021 గురించి బాబా వంగా జోస్యం

దీంతో పవన్ ఓ నిర్ణయం తీసుకున్నారు. సినిమా సన్నివేశంలో రెప్పపాటులో జరిగిపోయే సన్నివేశాలే అయినా.. అలా POLICE మీద కొట్టడం వద్దు అని ఆయన అనుకున్నారు. పోలీసు షీల్డుల మీద ఆ అక్షరాల స్టిక్కరింగ్ ను ఆయన స్వయంగా తొలగించారు. తను చేసిన పనికి దర్శకుడిని కూడా కన్విన్స్ చేశారు. అలా పోలీసు పట్ల తన ప్రేమను, గౌరవాన్ని చాటుకున్నారు.

ఒక టాప్ స్టార్‌గా, రాష్ట్రాన్ని ప్రభావితం చేయగల నాయకుడిగా ఉన్నప్పటికీ.. పోలీసుల పట్ల ఇంత కన్సర్న్ చూపగల వ్యక్తి ఎవరుంటారు? అందుకే ఆయన పవన్ కల్యాణ్ అయ్యారని అభిమానులు ఎంతో హేపీ ఫీలవుతున్నారు. తమ పవర్ స్టార్.. అవసరమైతే ఎంతకైనా తెగించే హీరో మాత్రమే కాదు.. ఎంత గాఢంగా అయినా ప్రేమించే గౌరవించే మంచి మనిషి అని మురిసిపోతున్నారు.