.
Expressive గా ఉండడం అందరికీ సాధ్యం కాదు. మామూలు విషయాలల్లోనే కొందరు అనుకున్నది అనుకున్నట్టు చెప్పగలరు. చాలా మంది చెప్పలేరు. అలాంటిది ఇక ప్రేమ లాంటి వ్యవహారం అయితే ఏంటి పరిస్థితి. మనసులో ఉన్నది చెప్పడం సంగతి తర్వాత.. అసలు మాట పెగలకుండా.. బిగసుకుపోయేవారు మనలో అనేక మంది ఉంటారు.
ఇలా ప్రేమను బయటకు చెప్పలేకపోవడం అనేది.. మనం పుట్టే రాశుల మీద కూడా ఆధారపడి ఉంటుందిట. జన్మరాశిని బట్టి.. కొందరు అసలు ప్రేమను బయటపెట్టలేరట.
కొంత మంది ఇష్టాయిష్టాలను ఆపుకోలేరు. ఇంకొందరు మనసులో మాట బయటకు రానీయరు. బయటకు చెబితే అవతలి వారేమనుకుంటారో అని భయపడుతూ ఉంటారు. మనసులో ప్రేమ ఉంటుంది. కానీ చెప్పలేరు. ఇది మన దృష్టిలో బిడి. మనసులో ఉండే ప్రేమను అవతలి వారికి చెప్పడం కొన్ని రాశుల వారికిర చేతకాదని జ్యోతిష్యులు చెబుతున్నారు. ఆ రాశులేవో.. ఆ రాశుల్లో మనం ఉన్నామో లేదో తెలుసుకుందామా?
కన్య రాశి
కన్యరాశి వారు ప్రేమను వక్తం చేయాలంటే చాలా చాలా టైం పడుతుంది. వారు ప్రేమిస్తున్నానని చెప్పేలోగా.. అవతలి ప్రియురాలు లేదా ప్రియుడు ముసలివాళ్లయిపోవచ్చు. చెప్పడానికి ముందు చాలా రకాలుగా ఆలోచిస్తారు. అనుబంధాల గురించి వీరికి మనసులో నిశ్చిత అభిప్రాయం ఉంటుంది. బయటకు చెప్పడానికి జంకుతుంటారు. మనసులో ప్రేమ ఉన్నా వారు బయటకు చెప్పడం కష్టం. కన్యరాశి వారు ఐ లవ్ యూ చెప్పడం కష్టమనేది జ్యోతిష్యులు అంచనా. అందుకే వారు చెప్పేలోగా ముసలితనం వస్తుందన్నమాట.
ధనుస్సు రాశి
ధనస్సు రాశి వారే చాలా సీరియస్ టైపు. ఎవరికైనా ఐ లవ్ యూ అని చెప్పాలంటే కూడా సీరియస్ నెస్ వారిని డామినేట్ చేస్తుంది. అయితే చాలా విషయాలను తేలిగ్గా తీసుకుంటారు. అయినా సరే ధనస్సు రాశి వ్యక్తులు సీరియస్ గా కనిపించడంతో పాటు, ప్రేమను చెప్పడంలో ముందడుగు ఉండదు.
మకర రాశి
మకర రాశి వారికి మనుషుల్ని నమ్మే అలవాటే తక్కువ. ప్రేమైనా ఇంకేమైనా అంతే. వీరి గొప్పతనం ఏంటంటే నమ్మకంగా, విధేయంగా ఉంటారు. వీరు తమ భాగస్వామితో ఆఫీసు సంగతులు చెప్పారు. అక్కడ వస్తున్న సమస్యలను భాగస్వామికి చెబితే చులకన అవుతామని వారికి భయం. అందుకే తమ భావాలు బయటకు రానివ్వరు. లోపల ప్రేమ ఉన్నా అవతలి వారికి చేర్చాలంటే వారికి భయమే.
కుంభ రాశి
కుంభ రాశి వారికి ఇతరులు తమను బాధ పెడతారని సంకోచం. అందుకని.. తాము బలమైన వ్యక్తిగా కనిపించాలనుకుంటారు. అలా కనపడేందుకు మనసులో భావాలను బయటకు కనిపించకుండా తొక్కేసుకుంటూ ఉంటారు. అడుగు వేయాలంటే నాలుగు సార్లు ఆలోచిస్తారు. ప్రేమించే వారినే కాదు, అందరినీ ప్రశ్నించాలని అనుకుంటారు. తొందరగా ఏదీ బయటకు చెప్పరు. ప్రేమైనా అంతే. ప్రేమను వ్యక్తం చేయడానికి మహా కష్టపడుతుంటారు.
వృశ్చిక రాశి
వృశ్చికరాశి వారు ఎమోషన్స్ విషయానికి వస్తే మానసికంగా బలవంతులే. అవతలి వ్యక్తులు ఏమనుకుంటున్నారో అనేదే వీరి నిత్య భయం. అందుకే ప్రేమిస్తున్నాను అని చెప్పాలన్నా వీరికి సంకోచమే. వీరు ఎవరికైనా, దేనికైనా కట్టుబడి ఉండాలంటే భయపడుతూ ఉంటారు.
జన్మరాశులను బట్టి జ్యోతిష్యుల అంచనాలు ఇవి. కొన్ని రాశుల వారు మాత్రం మనసులో అసలేదీ దాచుకోరుట. అలాంటి వారికి ఎవరిపైనైనా ప్రేమ పుడితే వెంటనే చెప్పేస్తారు. ఈ అయిదు రాశులను వదిలేస్తే మిగతా రాశుల వారు అలా ప్రేమను వెంటనే చెప్పేసే బాపతుగా అనుకోవచ్చు.
Discussion about this post