జమ్మూ కాశ్మీర్ లో పెద్ద కుట్ర బట్టబయలైంది

మన మన ఇండ్లల్లో చక్కగా కునుకుతీస్తున్నామంటే దానికి కారణం సరిహద్దుల్లో ఉన్న వీర జవాన్లు. వారు తమ ప్రాణాలను పణంగా పెట్టి దేశాన్ని శతృవుల నుండి కాపాడుతూ వున్నారు. అలాగే మన చుట్టుపక్కల కూడా నేరాను అరికట్టడంతో పోలీసు యంత్రాంగం కూడా ఎంతో అప్రమత్తంగా వుందనే చెప్పాలి. ఒకవైపు నేరాలు జరుగుతున్నా మరోవైపు పలు కుట్రలను భగ్నం చేయడంలో పోలీసులు తమ ప్రతిభా పాటవాలను ప్రదర్శిస్తున్నారు. తాజాగా జమ్మూ కాశ్మీర్ లో అల్లర్లు రేపడానికి పథకం వేసుకుంటున్న ఉగ్రవాదుల కుట్రలను అక్కడి పోలీసులు భగ్నం చేశారు.

ఇద్దరు అనుమానిత ఉగ్రవాదులు నర్వాల్ జిల్లాలో ఆయుధాలతో ఆల్టో కారులో వెళుతుండగా వారిని అనుమానించిన పోలీసులు అరెస్టు చేయడంతో ఈ కుట్ర బయటపడింది.

ఆల్టో కారులో ఆయుధాలు తరలిస్తున్న రయీస్ అహ్మద్ దార్, సుబ్జార్ అహ్మద్ షేక్ లను అరెస్ట్ చేసిన పోలీసులు వారివద్ద నుండి ఒక ఏకే సిరీస్ రైఫిల్, ఒక ఫిస్టల్, రెండు మేగజూన్లు, 60 ఏకే తుపాకీ తూటాలను, 15 ఫిస్టల్ రౌండ్లను పోలీసులు స్వాధీనం చేసుకున్నారు. వీరిపై ఉపా 1967 చట్టం కింద కేసు నమోదు చేసి దర్యాప్తు చేస్తున్నారు.