.
పవన్ కల్యాణ్ నటిస్తున్న ప్రతిష్ఠాత్మక చిత్రం వకీల్ సాబ్ లిరికల్ సాంగ్ ను బుధవారం సాయంత్రం 5 గంటలకు విడుదల చేయనున్నారు. ‘సత్యమేవ జయతే’ అంటూ సాగే ఈ పాట మహాత్మాగాంధీ భావజాలాన్ని ప్రతిబింబించేలా ఉంటుందని ఫిల్మ్ మేకర్స్ చెబుతున్నారు. ఈ పాట విడుదలకు సంబంధించిన డిజిటల్ పోస్టర్ లో సీరియస్గా చూస్తున్న వకీల్ సాబ్ పవన్ కల్యాణ్, వెనుక మహాత్మా గాంధీ బొమ్మ కూడా ఉంది. ఏప్రిల్ 9న ఈ చిత్రం విడుదల కాబోతోంది. కాగా, సత్యమేవ జయతే లిరికల్ సాంగ్ మార్చి 3న సాయంత్రం 5 గంటలకు విడుదల అవుతుంది.
ఇది కూడా చదవండి
జనసేనానిని చూసి ఇతర పార్టీలు ఎందుకు భయపడుతున్నాయంటే?
పవన్ కల్యాణ్ లోని సంస్కారానికి ఇది మచ్చుతునక!
బోనీకపూర్ సమర్పకుడిగా వ్యవహరిస్తున్న ఈ చిత్రానికి రాజు-శిరీష్ నిర్మాతలు. శ్రీరామ్ వేణు దర్శకత్వం వహిస్తున్న సంగతి అందరికీ తెలిసిందే. ఇప్పటికే హై బజ్ క్రియేట్ అయిన ఈ చిత్రం పట్ల పవన్ అభిమానుల్లో హై ఎక్స్ పెక్టేషన్స్ ఉన్నాయి. వాటికి తగ్గట్టుగానే చిత్రం రూపొందుతోంది.
పొలిటికల్ గా కూడా క్లీన్ పాలిటిక్స్ లక్ష్యంగా పవన్ కల్యాణ్ చాలా సీరియస్ ప్రస్థానం సాగిస్తున్న సమయంలో.. వకీల్ సాబ్ చిత్రంలో సత్యమేవ జయతే పాటలో.. మహాత్మాగాంధీ ఫిలాసఫీతో పాటు, వర్తమాన రాజకీయాలపై ఎత్తిపొడుపు.. వ్యవస్థలోని లోపాల ప్రస్తావన కూడా ఉంటుందని అంటున్నారు.
Discussion about this post