.
శ్రీకాళహస్తి క్షేత్ర విశిష్టతను ఖండాంతరాలకు తెలిసేలా శ్రీకాళహస్తీశ్వర మహత్మ్యం, శ్రీకాళహస్తి శతకం పుస్తకరూపంలోకి తెచ్చిన ధూర్జటి మహాకవి విగ్రహాన్ని శ్రీకాళహస్తి పట్టణంలో వచ్చే ఉగాది నాటికి ఏర్పాటుచేస్తామని శ్రీకాళహస్తీశ్వర దేవస్థాన పాలకమండలి అధ్యక్షులు అంజూరు శ్రీనివాసులు హామీ ఇచ్చారు.
ఆదివారం పట్టణంలోని స్థానిక బాలికల ఉన్నత పాఠశాలలో లగడపాటి భాస్కర్ రాసిన తెలుగు కలాలు – తెలుగు బాణీలు పుస్తకావిష్కరణకు ముఖ్యఅతిధిగా విచ్చేసిన అంజూరు మాట్లాడుతూ కవులు,రచయితల సమావేశాలకు ఒక సాహితీ నిలయం కూడా ఎమ్మెల్యే మధుసూదన్ రెడ్డి ఆధ్వర్యంలో ఒక ఆడిటోరియాన్ని కూడా నిర్మించనున్నట్లు తెలిపారు.
దేవస్థానం తరపున శ్రీకాళహస్తి ప్రాశస్త్యాన్ని మరింత వెలుగులోకి తీసుకురావడానికి రచయితలు సహకరించాలని కోరారు.
అనంతరం వేదిక తరపున అంజూరు శ్రీనివాసులును అక్షర సత్కారం చేశారు.
ఈ కార్యక్రమంలో వేదిక కార్యదర్శి యువశ్రీ మురళి, గొడుగుచింత గోవిందయ్య,జయచంద్రరావు తీగల వెంకటయ్య,గురునాథం,రవీంద్ర, మునిసుబ్బారెఢ్డి,గణేష్, ప్రకాశం శాస్త్రి, పురుషోత్తం గౌడ్, వెంకటస్వామి, ఒబ్బు ప్రసాద్, హరికిరణం మాసపత్రిక హరిప్రసాద్, స్వర్ణమూర్తి, అన్నపూర్ణమ్మ, నాగరాజ జెట్టి, భాస్కర్, సురేష్ బాబు తదితరులు పాల్గొన్నారు.
