విద్యార్థులలో దాగి ఉన్న సామర్ధ్యాన్ని వెలికితీయడానికి సైన్సు ప్రదర్శనలు నిర్వహిస్తున్నామని ఎంజీఎం స్కూల్ డైరెక్టర్ గుడ్లూరు మయూర్ అన్నారు .
సోమవారం జాతీయ సైన్స్ దినోత్సవ సందర్భంగా పట్టణంలోని ఎంజీఎం స్కూల్ విద్యార్థులు వివిధ రకాల సైన్సు ప్రదర్శనలు కార్యక్రమాన్ని ప్రారంభించారు .
సైన్స్ దినోత్సవాన్ని ప్రతి ఏడాది ఫిబ్రవరి 28 న జరుపుకుంటున్నామని వివరించారు . ఇలా ఆనవాయితీగా 1987 నుండి నిర్వహించడం జరుగుతోందన్నారు . ఇందుకు కారణం 1928 లో సర్ సి వి . రామన్ ఎఫెక్ట్ ఆవిష్కరించడం కారణం అన్నారు.
ఇందుకు గాను సి వి . రామన్ కు 1930లో ఆసియా ఖండంలోనే మొదటి నోబెల్ బహుమతి ఆయనకు వరించింది . ఇలా మొదటి నోబెల్ బహుమతి తీసుకున్న సర్ సి. వి. రామన్ . సైన్సు దినోత్సవాన్ని నిర్వహించడం వలన విద్యార్థుల్లో సృజనాత్మకతను పెంపొందించడం జరుగుతుందన్నారు .
ఇలాంటి సైన్స్ ప్రదర్శనలు విద్యార్థుల్లో ఉన్న మేధా శక్తిని వెలికి తీయడానికి ఎంతో ఉపయోగపడుతాయని వివరించారు . అనంతరం విద్యార్థులు రూపొందించిన సైన్స్ ప్రదర్శనలు చూసి వారిని అభినందించారు.
ఎంజీఎం స్కూల్ హెడ్మాస్టర్ మునిరత్నం నాయుడు మాట్లాడుతూ ఈ సైన్సు ప్రదర్శనలు నేటి సమాజంలో విద్యార్థులకు ఎంతో ఉపయోగపడతాయన్నారు.
రామన్ ఎఫెక్ట్ వల్ల ఒక పదార్థంలో ఉన్న అణువుల కంపనాల గురించి సమాచారం చెబుతుంది కనుక రామన్ ప్రభావం ఉపయోగించి ఆ పదార్థంలో ఉన్న అణువుల నిర్మాణ శిల్పం తెలుసుకోవచ్చు. కనుక రామన్ ఎఫెక్ట్ ద్వారా రసాయనిక పదార్థాలలో అణు, బణు నిర్మాణాల పరిశీలన చెయ్యడం సుసాధ్యం అయ్యింది.
ఈ కార్యక్రమంలో ఎంజీఎం స్కూల్ హెడ్మాస్టర్ మునిరత్నం నాయుడు , టీచర్స్ , విద్యార్థులు , తల్లిదండ్రులు పాల్గొన్నారు .
.