.
భక్తుల సౌకర్యార్థం జనవరి నెలకు సంబంధించి డిసెంబర్ 23న సాయంత్రం 4 గంటలకు జనవరి 1, 2, 13 నుండి 22 మరియు 26వ తేదీలలో 5500 వర్చువల్ సేవా దర్శన టికెట్లు తిరుమల తిరుపతి దేవస్థానాల అధికారులు విడుదల చేస్తారు.
డిసెంబర్ 24న రూ.300/- ప్రత్యేక ప్రవేశ టికెట్ల కోటా విడుదల చేయనున్న సంగతి తెలిసిందే.
రూ.300 ప్రత్యేక ప్రవేశ దర్శన టికెట్ల కోటాను డిసెంబర్ 24న ఉదయం 9 గంటలకు జనవరి 1, 13 నుండి 22వ తేదీ వరకు రోజుకు 20 వేలు, జనవరి 2 నుండి 12 మరియు 23 నుండి 31వ తేదీ వరకు , రోజుకు 12 వేల చొప్పున టికెట్లను విడుదల చేస్తారు.
తిరుమల వసతికి సంబంధించి డిసెంబర్ 27న ఉదయం 9 గంటలకు విడుదల చేస్తారు. కాగా జనవరి 11 నుండి 14వ తేదీ వరకు వసతిని తిరుమలలో కరెంట్ బుకింగ్ లో భక్తులు పొందవచ్చు.
భక్తులు ఈ విషయాన్ని దృష్టిలో ఉంచుకుని ఆన్లైన్లో ముందస్తుగా దర్శన, వసతిని బుక్ చేసుకోవాలని అధికారులు కోరారు.
